Ang Ligayang Hatid ng Mga Baboy

Sino nga naman sa ating mga Pinoy ang hindi pa nakakabasa ng isang isyu ng Pugad Baboy Series. Ganap at isang genuine Pilipino ka kapag isa ito sa iyong mga binabasa. Sa bawat parihabang nag sisiksikang magkasiya sa kanto ang mga karakter ay mistulang buhay na buhay ang tunay na situwasiyon ng bansa. Minsang nakakatawa, minsan din namang tinamaan ka ng mga nakakahiyang pag uugali natin.

Isinasalamin ng Pugad Baboy ang bawat isa sa atin.

Naging bahagi tayo ng mundo nila. Sa kanila ko naranasang tumawa sa harap ng tahimik na pasaher sa loob ng isang FX biyaheng Marikina-Cubao.

Sana'y sa mga ngiti, sarkastikong mga parinig at kislap ng nagbibilugang mga mata nila'y naibsan man lang ang iyong pang araw-araw na prublema.

Ang tumawa kasama ng mga librong ito ay bahagi na ng pagiging isang masayahing Pilipino.

Kung masaya ka, magbasa. :)

Nagtataasan man ngayon ang presiyo ng bilihin, ngumiti pa rin, mga mahal kong Kalahi. :)